Alber Kamü

Taun

“Taun” romanı da Fransanın faşistlər tərəfindən işğal olunduğu dövrdə və bu işğalın təsiri altında yazılıb. Əsərdə insan fədakarlığı, başqalarını ölümdən qurtarmaq naminə öz həyatını təhlükə altında qoyan insanların fədakarlığı ilə eyni bəlaya laqeydliklə baxanların xudpəsəndliyi üz-üzə qoyulub. Taun xəstəliyi yayılmış, xarici aləmlə əlaqələri kəsilmiş bir şəhərdə müxtəlif təbəqə nümayəndələrinin iç üzü, mənəviyyatı açılır.
Alber Kamüyə yazıçı şöhrəti gətirən onun iki ilk romanı 1942-ci ildə yazılmış “Yad” və 1947-ci ildə nəşr olunmuş “Taun” romanı olub.
Müharibə illərində və müharibədən sonrakı ilk illərdə Kamü bir sıra dram əsərləri (“Kaliqula” — 1944, “Anlaşılmazlıq” — 1944, “Düzgünlər” — 1950), hekayə və məqalələr də yazıb. “Kaliqula” pyesində qədim imperatorun qəddarlıq və şıltaqlıqları, onu əhatə edənlərin mütilik və ikiüzlülüyü böyük yazıçı məharəti və sərt ifadələrlə təsvir olunub.
264 kağız səhifələr
Müəllif hüququnun sahibi
Qanun Nəşriyyatı
Artıq oxumusunuz? Nə düşünürsünüz?
👍👎

Təəssüratlar

    Emil Azizovtəəssüratları paylaş4 il öncə

    - Alber Kamü " Taun "

    Bu yazıçıdan oxuduğum ilk romandır. Yazıçının fəlsəfi baxışlarını açan əsas əsərlərindən biridir. " Taun " müharibədən sonra 1947-ci ildə qələmə alınıb. Bu dövrdə müharibə fəlakətləri, müharibənin insan taleyini yerlə yeksan etməsi yazıçını dərindən düşündürürdü. Romanın əvvəlində ilk abzasları diqqətlə oxusaq, Oran şəhərinin ruhsuz bir yaylanın ortasındakı tənhalığın, hər bir nöqtəsi ilə həyatın burada can verdiyinin şahidi olarıq. Əsərdəki hadisələr taunun geniş şəkildə yayıldığı Oran şəhərində cərəyan edir. Əsərin əsas qəhrəmanlarından biri olan Həkim Bernar Ryö taunu bir pislik olaraq qəbul edir və pisliyə qarşı mübarizə aparmalı olduğuna inanır. İnsanları sevir, onlara kömək etməyə çalışır. Oran şəhərinin sakinləri kiçikdən böyüyə kimi ölümcül dərəcədə təhlükəli tale qarşısındadırlar. Şəhərdən çıxış qadağan edilir, burada hamı qurbandır, infeksiya fərq qoymadan hamının, oğrunun, caninin, uşaq və qocanın canına yoluxur. Burada söhbət şəxsiyyətin mühitlə toqquşmasından, haqlı və ya haqsız adamların qanlı mübarizəsindən yox, ucdantutma hamının taunla üz-üzə gəlməsindən və ölümə məhkumluğundan gedir. Yazıçı " Taun " üzərində işləyərkən gündəliyində aşağıdakı qeydləri aparmışdı: " Taunun köməyi ilə dünyanın hamımızın qarşılaşdığı boğucu atmosferini vermək istəyirəm. Eyni zamanda bu şərhi bütövlükdə mövcudluğa şamil etmək istəyirəm. Bu anlamda " Taun " azad olmaq istədiyinə görə insan " ədalət mühakiməsi " adına qətlə yetirilirsə, buna görə də bütöv bir şəhər bəlaya düçar olmalıdır.

    Elmin Seyfəddinlitəəssüratları paylaş5 il öncə
    👍Tövsiyə edirəm
    💡Idraki kitabdır

    Taunun əsir etdiyi bir şəhərdə çarəsiz, yaxınlarından ayrı qalmış, qəlblərindəki son ümid işığı sönmüş insanlar haqqında bir hekayə.
    Tarunun bu ifadəsi məni düşündürdü:”Hər birimiz taunlu xəstələrik. İnsanlara əzab verən, həyatlarını əlindən alan hər kəs taun xəstəsidir”.

    M.Vəlizadətəəssüratları paylaş4 il öncə

    Əhvalat kimi maraqlı idi hadisələr,lakin ağır oxunurdu. Boş cümlələr çox idi.

Sitatlar

    Elmin Seyfəddinlisitat gətirir5 il öncə
    Hər hansı bir şəhərin həyatı ilə maraqlananda gərək orada adamların necə işləməsini, necə sevməsini və necə ölməsini öyrənəsən.
    Şəfiqə Babayevasitat gətirir6 il öncə
    Əgər o hər şeyə qadir olan bir allaha inanmış olsa, xəstələri müalicə etməz və onları allahın ixtiyarına verərdi.
    Aynurə Əhmədovasitat gətirir3 il öncə
    Hər hansı bir şəhərin həyatı ilə maraqlananda gərək orada adamların necə işləməsini, necə sevməsini və necə ölməsini öyrənəsən.

Rəflərdə

    Nurcan Rzayeva Qurbanlı
    Azərbaycanca kitablar
    • 567
    • 545
    Vusala Mammadova
    Azərbaycanca ƏDƏBİYYAT
    • 359
    • 185
    şəms.
    Klassika
    • 339
    • 16
    Nurlan Xanlarov
    Albert Camus
    • 3
    • 2
    Rasim Aziz
    Xarici
    • 1
    • 2
fb2epub
Faylları buraya köçürün, bir dəfəyə 5-ə qədər fayl