Fikirləşdi ki, başqalarının eşq ağrısı dediyi şey əgər budursa, bu hiss adama xoşbəxtlik deyil, sadəcə əzab verər. Ka bunu da hiss edirdi ki, İpəyə olan məhəbbəti artdıqca bu etibarsızlıq və bədbinlik böhranları da getdikcə çoxalır. Ona görə də birdən ağlına gəldi ki, “yəqin eşq deyə bəhs etdikləri bu hiss etibarsızlıq duyğusundan, aldadılmaqdan və xəyalların puç olma qorxusundan ibarətdir. Amma nədənsə hamı bu duyğu ilə qürrələnib, bəxtəvər olduğunu dilə gətirdiyinə görə demək ki, mənim vəziyyətim daha fərqlidir”.