Onun nəzəriyyəsi uşaqyana, şübhəsiz ki, saxta və bəlkə də təhlükəli idi, lakin Selincer mənim də dəstəkləyib qurbanına çevrildiyim bir ideologiyanın yaradıcısı sayılırdı. Heç bir yazıçı iki düşərgəyə bölünmüş müasir dünyanı onun kimi yaxşı təsvir edə bilməyib. Bir tərəfdə ciddi adamlar, qalstuklu nümunəvi şagirdlər, ofisə gedən, səviyyəsi dayaz evdar qadınla evlənən, qolf oynayan, iqtisadiyyat mövzusunda esselər oxuyan, kapitalist sistemi olduğu kimi qəbul edən qoca burjualar dayanıb: “iş-gücləri də bir qallon benzinlə neçə mil yol getmək üstündə mübahisə etməkdir”.