Dəbdə üç pillə sizdən öndəyəm və sizin aldadılıb soyulmağınız üçün əlimdən gələni əsirgəmirəm. Qlamur elə bir ölkədir ki, heç vaxt gedib ora çata bilmirsən. Mən sizi «yenilik» adlı narkotikin aludəçisinə çevirirəm, yeniliyin üstün cəhəti onun heç vaxt yeni qalmamasındadır. Hər bir yeniliyi köhnəltmək üçün həmişə təzə-tər növbəti bir yenilik tapılır. Ağzınızın suyunu axıtmaq – mənim müqəddəs vəzifəm məhz budur. Mənim peşəmdə heç kəs sizin xoşbəxtliyinizi arzulamır, çünki xoşbəxt adamlar istehlak etmirlər.