Qiyam zamanı Kapitolda bir sıra genetik dəyişikliyə uğramış heyvanlar yetişdirir və onlardan düşmənə qarşı istifadə edirdilər ki, bunlardan biri də insanlar arasındakı bütün söhbətləri əzbərləyib təkrarlaya bilən çərənçi zığ-zığ quşları idi. Quşları Kapitolun düşmənləri gizlənən yerlərə buraxırdılar, orada onlar söhbətləri dinləyir, sonra da instinktlərinə tabe olub, səsyazan cihazlarla təchiz olunmuş xüsusi mərkəzlərə qayıdırdı. Əvvəlcə qiyamçılar öz aralarındakı gizli söhbətlərdən Kapitolun necə xəbər tutmasına