О, məndən kitabı açmağı və istənilən səhifədə şaquli və ya diaqonal cığırları – sözlər arasında boşluqları tapmağı xahiş elədi. Mən doğrudan da sətirdən-sətrə doğru uzanan uzun ağ xətlər aşkarladım, bu boşluqlar abzasları keçib gedir, bəzən qırılır və diaqonal istiqamətdə yenidən bərpa olunurdular, sağdan sola, soldan sağa, yaxud sərbəst enişlə.
– Cümlələri arasında ritmi olmayan yazıçı buna nail ola bilməz. Əgər bir cümlədə, tərkibi dörd hecadan çox olan iki-üç sözdə dil dolaşırsa, cığır mütləq qırılacaq və əlbəttə ki, ritm də. Onları səhifələrdə axtaracaqsız və tapmayacaqsız. Çox kiçik və ya çox geniş yığım sətirli uğursuz nəşr də, demək olar, xəlvətcə göz oxşayan bu rəsmləri korlayacaq.