Sən də mənim döyüşlərimin hamısını görmürsən. Və mən bilmirəm, tezliklə işimin bitəcəyini düşünərkən ürəyimdən hansı qara qanlar axdığını anlamağı bacaracaqsanmı? Onu buradan aparıb lazım olan yerdə quraşdıracaqlar, bir neçə tərif nitqi eşidəcəyəm, sonra isə boş emalatxanaya qayıdacağam və əsərimdə nail ola bilmədiyim, sizin heç fərqində belə olmadığınız incəliklərə görə kədərlənəcəyəm və qəlbimin dərinliyində özümü elə viran qalmış emalatxana kimi boş və talan edilmiş hiss edəcəyəm.