– Bax, özünü gözlə, Qrişa, sonra lap kor olarsan.

O isə təmkinlə belə cavab verirdi:

– Olsun! Mənə artıq göz lazım deyil, dünyada hər şeyi ­görmüşəm...

İnsanlar yaşayıb-yaşayıb bir-birilə razılığa gəlirlər: “Bax, bu cür daha yaxşıdır, biz bunu özümüzə adət edək, bunu özümüzə qanun-qayda götürək!” Məsələn, uşaqlar yığışıb oynamaq istəyəndə, əvvəlcə oyunu nə cür başlamaq, nə qaydada aparmaq barədə sözləşirlər. Həmən bu sözləşmə elə qanun deməkdir.

– Bəs məmurlar?

– Məmur dəcəl uşaq kimidir, gəlib çıxan kimi, bütün qanunları pozacaqdır.

Söz var ki, ot kimi qiymətsizdir, söz var ki, qiyməti xırda qəpik-quruşdur, amma söz də var ki, qiyməti qızıldır!