Bir sirli vücuddan törəmişdir bu cahan,
Mahiyyətini bu cövhərin yoxdur açan,
Hər kəs nə gəlib ağlına bir sözdü deyib,
Əslində nədir, dərk eləmir bir insan.

Ey xacə, inandırma bizi boş sözünə,

Get, Allaha bax, nəsihəti ver özünə.

Biz düz gedirik, sənin gözün əyri görür,

Bizdən uzaq ol, çarə elə öz gözünə.

İçmirsən əgər məstləri töhmətləmə sən,

Yüz qəlbi qəmə, dərdə salır hər fitnən,

Sən içməməyinlə fəxr edirsən, lakin

Yüz iş törədirsən daha pis içməkdən.