Passivliyin xoş olması ancaq görüntüdür. İnsana yalnız iş zövq verir

Kitti, sən müharibə nə olduğunu bil­mirsən, yalnız mənim məktublarım əsasında sığınacaqdakı həyatı tam təsəvvür edə bilməzsən. Ona görə sənin üçün bizim azadlığa çıxacağımız birinci gün nə etmək istədiyimizi bilmək maraqlı və məzəli olar.

Marqo və cənab Van Daan azı yarım saat isti vanna qəbul etmək arzusundadırlar. Xanım Van Daansa do­yunca pirojna yemək istəyir. Düssel, əlbəttə ki, öz Şarlottasının yanına qaçacaq. Anam bir fincan qəh­və­nin arzusundadır, atamsa dərhal cənab Fos­key­lə baş çəkəcək. Peter kinoya gedəcək. Bəs mən? Mən o qədər xoş­bəxt olacağam ki, heç bilmirəm nə edə­cə­yəm! Hər şeydən əvvəl, elə istəyirəm ki, öz evimdə olum, təzə­dən sərbəst olum, məktəbə gedim!

müfəssəl