Lev Tolstoy

Dirilmə

Tolstoy bu əsərində insanlar tərəfindən hazırlanmış qanunların
həmişə qüsurlu olduğunu və kilsə təşkilatlarının ikiüzlülüyünü
çatdırmağa çalışmışdır. Bu əsərdə də, digər romanlarında olduğu
kimi, yazıçını maraqlandıran əsas məsələ insan məsələsidir.
Əgər «Hərb və Sülh» romanında Tolstoy «xalq fikrini», «Anna
Karenina»da «ailə fikrini» əsas götürmüşdüsə, «Dirilmə»də onu cəmiyyət məsələsi düşündürür və öz qəhrəmanlarını cəmiyyət fonunda
təsvir edir. Onun qəhrəmanlarının başına gələn fəlakətlər ilk növbədə onların yaşadıqları cəmiyyətlə, bürokratik dövlət sisteminin
yaratmış olduğu həyatla bağlanılır.
608 kağız səhifələr
Müəllif hüququnun sahibi
Qanun Nəşriyyatı
Artıq oxumusunuz? Nə düşünürsünüz?
👍👎

Təəssüratlar

    Fexri Hacizadetəəssüratları paylaş2 il öncə
    👍Tövsiyə edirəm
    🎯Faydalı kitabdır

    Tolstoyun bütövlükdə yaradıcılığına xas olan fəlsəfi yanaşma,insan təbiətinin mürəkkəb,eləcə də ziddiyyətli məqamları " Dirilmə" əsərində xüsusilə geniş təsvir edilib.Baş qəhrəmanın cəmiyyətdəki eybəcərlikləri öz daxili aləmi,vicdanı ilə paralel müqayisəsi əsərin başlıca məğzini təşkil edir.Bir sözlə oxumağa dəyər.

    Türkeştəəssüratları paylaş3 il öncə

    Əsəri tam oxumadım, şərh bildirə bilmərəm. Amma çox yaxşı tərcümə olunmayıb. Oxumaq olmur, tərcüməçi səhvlərini aşkar elədikcə əsər gücünü itirir, yaxşısı orijinalın oxumaqdır)

    Mrymtəəssüratları paylaş2 il öncə

    Xirdaca bir yer uzunde minlerce yigisan bu adamlar torpagi tepikleseler de, ne qeder hec bir seyin bitmemesi ucun torpagin ustunu dasla ortseler de cuceren her otcigazi yolsalar da, daskomur ve neft yandirib ne qeder tustuletseler de, ne qeder agaclari dograyib, heyvanlari ve quslari didergin salsalar da, bahar, hetta şeherde de ele bahardir.Gunes isitir, ot yalniz bulvarlarin cemenlik lerin de deyil, kokunu qazib atdiqlari her yerde, hetta sal daslarin arasinda da dircelib boy atir, yasillasir, agcaqayinlar, qovaqlar, mesegilasi, etirli yarpaqlarini acir, cokelerin cirtlayan tumurcuqlari sisirdi.Bitkilerde quslarda, cuculerde, usaqlarda sevincek idiler.Amma adamlar, - boyuk, yasli adamlar hem ozlerini, hemde bir birini aldatmaqdan ve incitmekden doymurdular.Adamlar ele hesab edirdiler ki, muhum ve muqeddes olan sey bu yaz seheri deyil, - insani dincliye , unsiyyete, mehebbete sovq eden bu gozellik deyil, - onlarin bir birine agaliq etmesi ucun uydurulmus seylerdir.

Sitatlar

    Xuraman Memmedovasitat gətirir4 il öncə
    Bütün insanlar qismən öz fikirləri, qismən başqalarının fikri ilə oturub dururlar. İnsanlar arasındakı başlıca təfavütlərdən biri onların nə dərəcədə öz fikirləri və nə dərəcədə də başqalarının fikirləri əsasında yaşamalarından ibarətdir. Bəzi adamlar öz düşüncələrindən çox vaxt bir ağıl oyunu kimi istifadə edirlər, onlar öz ağıllarını işə salmır və onunla hərlədici qayışı çıxarılmış çarx tək rəftar edirlər, öz hərəkətlərində isə başqalarının düşüncələrinə – adətə, ənənəyə və qanuna tabe olurlar. Digərləri isə öz düşüncələrini özlərinin bütün fəaliyyətinin başlıca mənbəyi hesab edərək, demək olar ki, həmişə öz ağıllarının tələblərinə qulaq asıb, ona tabe olur, yalnız nadir hallarda, o da tənqid olunanda, başqalarının qərara aldıqları kimi hərəkət edirlər
    Xuraman Memmedovasitat gətirir4 il öncə
    Onun vəzifəsindəki ziddiyyət bundan ibarət idi ki, bu vəzifədə olan adam, zorakılıq da daxil olmaqla, xarici vasitələrlə kilsəyə kömək göstərib onu müdafiə etməli idi. Halbuki kilsənin özünün öyrətdiyinə görə, onu Allah bərqərar etmişdi, ona həm cəhənnəm qapıları üstün gələ bilməzdi, həm də insan heç bir vəchlə onu məğlub edə bilməzdi. Heç bir şeylə məğlub edilməyən bu ilahi müəssisəyə isə öz çinovnikləri ilə birlikdə Toporovun başçılıq etdiyi, insanlar tərəfindən qurulmuş idarə kömək göstərib, onun müdafiəsinə qalxmalı idi. Toporov bu ziddiyyəti görmürdü və ya onu görmək istəmirdi, odur ki, cəhənnəm qapılarının məğlub edə bilmədiyi kilsəni hər hansı bir katolik keşişin, pastorun və ya təriqətçinin dağıtmamasının ciddi surətdə qeydinə qalırdı. Əsas dindarlıq hissindən, insanların bərabərliyi və qardaşlığını dərk etməkdən məhrum edilmiş bütün adamlar kimi, Toporov da möhkəm yəqin eləmişdi ki, xalq onun özünə oxşamayan tamamilə başqa şəxslərdən ibarətdir və xalq üçün zəruri hesab etdiyi şey olmadan da, o özü çox yaxşı dolana bilərdi. O özü qəlbinin dərinliyində heç nəyə inanmırdı, belə bir vəziyyəti çox münasib və xoş hesab etsə də, xalqın da bu vəziyyətə gəlib çatacağından qorxduğu üçün, özünün dediyinə görə, onu bundan xilas etməyi öz müqəddəs borcu bilirdi.
    Bu aşpazlıq kitabında deyilir ki, xərçənglər diri-diri qaynar suda bişirilməyi xoşlayır. Həmin ifadə kitabda məcazi mənada işlədilmiş olduğu halda, Toporov bunu məcazi mənada deyil, açıqdan-açığa yəqin eləmişdi və həmişə belə düşünür, deyirdi ki, xalq mövhumatı sevir.
    O müdafiə etdiyi dinə toyuqçunun öz toyuqlarına verdiyi çürüntüyə bəslədiyi münasibət kimi bir münasibət bəsləyirdi: çürüntü çox iyrənc olsa da, toyuqlar onu sevə-sevə yeyirlər, buna görə də onlara cəmdək yedirtmək lazımdır.
    Fexri Hacizadesitat gətirir2 il öncə
    Ən adi və çox yayılmış yanlış inamlardan biri budur ki, guya hər insan özünə xas olan müəyyən xüsusiyyətlərə malikdir, mehriban, kinli, ağıllı, axmaq, enerjili, bədxasiyyət və i. a. adamlar olur. İnsanlar belə olmurlar. Biz bir insan haqqında deyə bilərik ki, kinli olmaqdan çox, mehriban, küt olmaqdan çox, ağıllı, laqeyd olmaqdan çox, enerjilidir və ya əksinə olur. Ancaq bir insan haqqında desək ki, o ağıllı və mehriban, bir başqası isə kinli və axmaqdır, bu düz olmaz.

Rəflərdə

    Nurcan Rzayeva Qurbanlı
    Azərbaycanca kitablar
    • 567
    • 546
    Vusala Mammadova
    Azərbaycanca ƏDƏBİYYAT
    • 359
    • 186
    şəms.
    Klassika
    • 339
    • 16
    roma
    Rom
    • 19
    • 8
    Мисс Миндоккузюзёдди
    Yeni
    • 18
    • 3
fb2epub
Faylları buraya köçürün, bir dəfəyə 5-ə qədər fayl